[هاجس نجد]

المشاركة الأصلية كتبت بواسطة الطائر المهاجر

بين من كنت رئيسهم يصبحون رؤسائك

من غاب عن عنزه جابت تيس

هذي حال الدنيا
ولا فيه اقذر من انتقام الجبان
اذا لقى له فرصه
صح لسانك ولا هان راسك
والصبر طيب
دمت بخير
تحياتي الطيبة

ههههههههههههههههه
ههههههههه

أجل الدكتور يقول من غاب عن عنزه تجيب تيس يامنصور
أكيد الدكتور ما مر سوق الغنم كان شاف أن التيس يباع بسبع مائة ريال هالأيام

ترى عاد أنا خبير بالسوق حتى البربري اللي معظم الناس ما يذبحونه ب350 إلى 400 مائة ريال بعد أنفلونزا الطيور

أما عاد يجي واحد أنا مديره ويكون مدير علي لا والله يهبى واللي عمّده معه الله لايقوله
والله لو تاصل ضرب العجر

والله يامنصور عندي واحد نمام وملقوف وإذا جاء يقول فلان وإلا علان طلع أو ما أشتغل خصمت عليه هو مع أنه يستحق إدارة ما مسكته علم ولا خبر علا شأن لقافته الزائدة ومحبته في إيذاء الآخرين

صح لسانك يامنصور وبيض الله وجهك

أتمنى لك التوفيق والحياة السعيدة

تقبل ودي وتقديري لشخصك الكريم

أخــــوك
سعــد العبيــد