[عادل العتيبي]

محشومين

وفي غير وجيهكم


قصيدة تجسّدت بعد احد المواقف الخاصة

ياصاحبي حط الهدف قدامي=وأخذ الهدية من يمين الرامي
ان كان ماجبت الهدف من كفي=والله لــ/ أقطع خنصري وأبهامي
وبلغ سلامي للسفيه وقله=فرخ المعزة يالبليد قطامي
لاتلومني لاجيت أشيّن فاله=أنا على مثله يزيد هيامي
وان كان ماودة يفسّر قولي=ترى وعدنا فالنهار الحامي
الله يجيبة فــ اللقى وأشوفة=والله لــ/ أطيّب خاطرة بحزامي
أليا انحنا راس الجمل قابلته=أن كان في خشمة ضفر وعرامي
حنا فعايلنا بيوم الهيّه=مثل البحر لاجاك موجة طامي
ويوم انها بالسيف والبارودة=والناس من فوق العدود حيامي
آرد على عد الرها وأزورة=وأشد من بين الجميع خيامي
كله لعين أللي ينوّر خدة=أشبه بورد الياسمين الشامي
والمرجله ماهيب (خذني جيتك)=والطير ياقع من عقب ماحامي
والحمد لله ماجحدت المله=مسلم وأشرّف ملتي وأسلامي
والقرّبه اللي من تحت مشقوقه=والله ماتروي فؤاد الضامي
وترى الردي وان عاش عمرة كلة=لابد من يوم(ن) يجي منضامي
وان كان عزتنا تزوّد ضغطه=يشكي عتيبة للمقام السامي