أتمنى أن ترقى




لكم مع صادق الود

من رحلتي زار طيفـك نظرتـي واحتلّهـا = وان طردته عن عيوني لي عظيم الشوق ردّه
والله انـي بـس اداري دمعتـي لا اهِلّهـا = والله اني ودّي ابكـي غيبتـك والدمـع ودّه
بس لي نفس(ن) عزيزه حالف(ن) ما ذلّهـا = وطيحت الرجال من طيحة دموعه فوق خدّه
عذري انّك من تسبّب فـي جروحـي كلّهـا = وعذرك انّي ما شكيت وخافقي ما باح سـدّه
لا نصحتـه ياخفوقـي دام راحـت خلّهـا = وارم حملك عن كتوفك لاغدت ماهي بقـدّه
قام يرسم لـي بقايـا صورتـك مـا ملّهـا = لِعنْ بو ذاك الغرام اللي سرابه لـك وجـدّه
من كثرماهو يحبـك عـلّ روحـي علّهـا = ومن كثرشوقه يسولف عنك حتـى للمخـدّه
كم تمنـى شوفتـك لكـن عجـز ياصلّهـا = أنكسر بعدك وشوفي كيف طاري البعد هـدّه
ماترك له مـن شمـوخ النخلـه الا ظلّهـا = يوم قفّيتي وهومـن لهفتـه لـك مـدّ يـدّه
دام راضـي فـي عذابـك ياخفوقـي قِلّهـا = صاحبي روح وانا باقي على ذيـك المـودّه