الصريح العتيبي
لا هان منطوقك
وين انت يالي تفرق البيض والسود
باللي تميز نظرتك بيـن الاضـداد
رايك يكفيني عن النقص والـزود
ويزيدني حكمه وتوجيـه وارشـاد
العذر منك ومن سلايل هل الجـود
اللي لهم في قمه المجـد ميـراد
واللي يحط حـدود ويغيـر حـدود
اليوم وسط بلاد والصبـح ببـلاد
مايستمر امـره ولايمكـن يسـود
لو قالوا انه في العرب راعي شداد
قد قالها لي شايباّ ينطـح الكـود
رايـه يقيـد تايـه الـراي بقيـاد
وانا بعد ماني على الوضع محدود
ماعاد لي ياطيب السـاس مقعـاد
واختامها ماذعذعـت ذاري النـود
سلام يبراله شذى المسك والكـاد
دومك رائع وراقي
لا يسعني الا ان اقول لك صح السانك
تحياتي لك