[محمد بن عمار]

السلام عليكم ...
من الفرن طازه تفاعل مع زميل
تلاقى مع طفل مطلقته في زواج
وبكى والناس بكت معه .....!


المـعـانـاة الـشديـدة

كنت ضيف ٍ بالحفل سارح بافكار ٍعديدة = آتنقـلّ بالنظر، والبال مشغول ٍ بهمّه
واقف ٍ وحدي أهوجس وارمق بنظرة بعيدة = مره امدح في الزواج وعشر مرات ٍ أ ذمّه
إخترق سمعي بكاء طفل ٍ على شي يريدة = وانقلب لوني وجسمي من شحوبه جف دمّه
طار قلبي يوم قـفـىّ يمسح الدمعات بإيدة = نبرته مكتومة ٍ حطت بوسط الصدر غمّه
هلتّ دموعي تسابق من على خدي بديدة = واندفعت ابلا شعور ٍ متجّه صوبه واخمّه
قلت له ان كان تسمح مطلبك ممكن تعيدة = يوم كرّر مطلبه ، مخزون عيني فاض جمّه
وانتفض في داخلي رغم المعاناة الشديدة = باقي انسان ٍ تداعى من طعون ٍ مستسمّّه
صرت في دنياي هايم عايش احلام ٍ سعيدة = يوم قرّبت أحتفى بمعانقه . وأبكي والمّه
وانتشيت بريح طيب ٍ اشعل بقلبي وقيدة = يوم جت كفي بكفه والعطر أصبحت أشمّه
قالوا الناس اللي حولي هذي علوم ٍ جديدة = كل هاللي صار بأسباب الطفل يومك تضمّه
قلت والله الطفل عذر ٍ تدبّر به مكيدة = مع بقايا عطرها اللي عالق ٍ بأطراف كمّه
كان تبغون الحقيقة للمعاناة الأكيدة = فالحقيقة ما ذبحني ! غير شمّة ريحة امّه

محمد بن عما ر ــ 5 / 5 / 1429 هـ