[النهج المختلف]

كبر حزني وتشكت من دموعي عيون =على من غابت اطيافه وظلت ساكنه اعظامي
غدا في خافقي يسكن وانا به عاشق مفتون= اخط اسمه على كفي وحبه حبر اقلامي
الا اه على حظي الا اه الى المليون=من اسنين الغدر عقبه سواد ن كل ايامي
لعبت فيني ظروف الوقت لكن مادريت اشلون=مشيت وماهتدت درب الصواب بعمرها اقدامي
تسيرني دروب الوقت كني وسطها مجنون =اسير بسكة ن ظلمه وطريق النور قدامي
هوى الذكرى سجن روحي وقلبي جنبها مسجون=بمكان الموعد الاول اشوفه ناصب اخيامي
انادي وين خلاني انجدوني ياعرب تكفون= ولكن وش يفيد الصوت للي حكمه اعدامي
دقايق لو تطول او تقصر بيقضون = ومهما طال فيني العمر اكيد اتوقف اعوامي

[/QUOTE]

عيد الماجد صح السانك ,,,
شاعر مبدع قصيدة رائعة ,,,
ياسلام عليك معاني عذبه لاهنت يالغالي ,,,
تحياتي لك وتقديري ,,,