ياصاحبي بالقلب لفت هواجيس = وردن على قلبي تجر الجراير
قلب ٍ على نار الغضى والمحاميس= هاذي مواريد ٍ وهاذي صداير
مر الزمان اللي مسوي كوابيس= في غيبة الاحلام ماهي سفاير
مايدري ان الحال مثل الفوانيس=دايم يصاليها لهيب السعاير
حظي وحظك ياحبيبي مناحيس= واحد بنا واحد يهد العماير
وهموم بعدك في ضميري جواسيس=داخل فؤادي مثل كي الشراير
تعال خل ايام عمري توانيس= عقب البطا ومفارق ٍ كان جاير
ياللي لك ايامي تدق النواقيس = ذكرى لها عيني تهل العباير
وين انت تلعب بي هواجيس وابليس؟ = يالله عساها ماتدور الدواير
الحوراء بنت نجد
الحوراء بنت نجد
شاعرة رائعة تركت بصمة واضحة في عالم الشعر
عبر المجلة والإذاعة والمنتديات والامسيات
كان لنا الحبور بتواجدك
ومصافحة اولى غير والحوراء غير
صح الله لسانك وجاد بنانك بهذا الحضور الملكي الطاغي بالجمال