[ثار التميميه]

المشاركة الأصلية كتبت بواسطة متعب المينيح

قصيدة لها موضوعها الخاص وهي تشرح نفسها

أن كان ما أنت بمعجبٍ بتصالي =لانته بعبدلي ولاني لكم رق
لاقفيت رح مسموح تلقاء بدالي=تلقاء وانا القاء مير حذرا ترفق
تلقاء وناء ألقاء لي من الناس غالي=والشمس لو غابت فلا بد تشّرق
يا طارد المقفين يا هملالي =من يطرد المقفين عقٍ ولد عق
ولا يشرب الفنجال بين الرجالي= ويقال فيما اخترت منته موفق
ولا تقربه نعمٍ ليا جاء مجالي=البق ما يكبر على سمعته بق
ماهو برأس ولا صويحب معالي =مسكين يكفخ كفخ لآمن سمع طق
وانأ عزيزٍ لو لبست السمالي= والشك في نفسي حشاء منه يلحق
ارقاء على العليا لو اقعد الحالي=والثوب يرقع منه لا لامسه شق
ولي نزل يتعب وهو ما رقالي= ولي رقا يقلط وفي ربعة الشق
ما عاد يطريلي ولو هو طرالي= كنه غمامٍ عقب منشاء تفرق
ان كنت سالي يافتى الجود سالي= والسابقة لا طول الماد تلحق
ابوي يا النشمي نشد عن خوالي=ماني من الي لا بغاها تملق
اشيل حملي واتبصر بحالي =ومالي ومال الي مع الغير ينعق
تعطي يميني دون تدري شمالي= وذا عطينا ما تبعنا العطاء نق
وذا عطينا ما نمد الهزالي=مداتنا الجزلات علمٍ موثق
انشد وتلقاء يا كريم السبالي= ما جبت غير الحق ونشد عن الحق
مطير ربعي محتمين التوالي=تاريخهم في صفحة الطيب مشرق
لكن توقع ونتبه يا حلالي=واحذر تمق السالفة يا فتى مق
والعمر يفنى وليالي ليالي=وترى الحديد يفككه كثرة الطق

نسخه للمفضله

ابيات رائعه جدا

شاعر مبدع

لله درك

صح لسانك ولاهنت