[صوت الإحساس]

المشاركة الأصلية كتبت بواسطة عبدالعزيز العقيدي

لا واللي ذي صوّرك ما ابكي على غيبتَك = أبكي على حالي اللي هدّه البعد هَدّ
ضيعت عمري وانا اللي في رجا طيبتَك = لوكنت ناديت صخر بلهفتي كان رَدّ
إلي متى والمشاعر تنتخي شيمتَك = والى متى كل ما روّضت فكري شرد
اسرح ونا بين ربعي وحلم بصورتَك = ولا جيت انادي خويي قلت له يا (شهَد)
يضحك على زلّتي ويقول ياخيبتَِك = أرجوك خلّك معي صحصح تراني حمَد
مصيبتي ماقدرت انساك ومصيبتَك = يهديك قلبي غلا نبضه وتهديه صَد
للحين تسكن شراينه ولك هيبتَك = تفضح ملامح عيوني لهفته لو جحَد
بس انت شكاك واللي ضيعك ريبتَك = لو كنت صدقتني ماكن شوقك برد
ما كنت من غير ذنب أدفع ثمن حيرتًك = و ماكان شفت الدموع اللي بعيني أبد
خلاص بمسح دموعي وان طرو سيرتَك = والدمع عانق رموش قلت هذا رمَد

بدون تعليق!!!!

كيفي حضورك لاااااهنت