[صعبة المنال]

المشاركة الأصلية كتبت بواسطة ماجد المهدي

أهلا بالفطاحلة // لتلطيف الأجواء
هذي أبيات قلتها أول ما نزلت خدمة كلمني ... شكراً ,,, وأنا في مصر
وسجلتها بالصوت فألتقيت مع صاحب لي كان يدرس معي بمصر .. فذكرني بها وأرسلها لي وهات ضحك على الصوت ولجل ما تضحكون علي ما رضيت احط الصوت
<<< أدري تقولون راعي سواااااااااليف

المهم ..

@

البارحة جتني رسالة كول مي = قمت اتصلت وقلت يالله تِلمي
عجّل عليّ وقف تو مي يور علمي = سوري ترى اي هاف اونلي رنّه
ظنيت ان المتصل منصوره = وده يشاورني لجل لا اشوره
ما ادري ان المتصل مسحوره = فيني وانا المسكين راعي الرنّه
قالت مسوي عنقليزي الرد = وانت الذي ضيعت جزري ومدي
ياللي بحسّك صدتني يالمهدي = ابليز تسمعني عساك الجنه
قالت ترى حبك سرق احلامي =ذكرك سكن في منطقي وعضامي
فدوى حبيبي لك جلت ايامي = مجنونةٍ جيتك بقلبي دنه
يا حبي اسمع انني بالسِلمي = يا مبتغاي ودنيتي يا حلمي
لو ما عجبتك يا حياتي كِل مي = مذبوحك الليله علا بالمنّه
صوتك حنون ولا سمعته ابكي = واشكي جميع الخلق منّه اشكي
في ذمتي عنّه أنا ويش احكي = عذب و رقيق وصافيٍ به ونّه
قلت استحي يا صانعٍ لفلامه = تبطي وتعقب ما تروم المامه
هذا الخفوق اللي عليه غمامه = افهمك ياللي متقنٍ في فنّه
قالت ألا يا ماجد المغروري = اموت انا بغرورك المجهوري
اي لاف يو يا معذبي الشطوري = ................ح على قلبك وغصباً عنّه
قالت سلام وقلت يالله ضفي = مير العجب يا كيف رنه تكفي
وقت الذي تحتاجها ما توفي = هذي الحياة وطبعها منسنّّه

للتوضيح

كول مي = call me = اتصل بي أو كلّمني

تل مي = tell me = أخبرني

قف تو مي يور علمي = give to me= عطني علومك

أي هاف اونلي رنّه = I have only=املك فقط رنة

أي لاف يو = I love you = أحبك


تحياتي

ماجد المهدي

يخرب مطنك يا ماجد ضحكتنى ههههههههههههههههههههه دوم راعى نهفات

يس جد حلوة .....اى هاف اونلى رنههههههههههههه اللة من بعدك دمااااار



صعوب