[هاجس نجد]

المشاركة الأصلية كتبت بواسطة صوت الإحساس

[blink]

صباحكم / مساكم كادي

[/blink]
يامن سكنتم فؤاااادي





كما هي



وأملي أن ترقى

الا ياكثر ماتجرح وقلب(ن) يعشقك ما ملّ = انا مادري الخطا منّي او انّه قلـبك القاسي

سكنت بخافقي لكن من الّلهفه عطاك الكِّل = وخلّاني هِنا وحدي مع همي وهوجاسي
حبيبي شوف حبي لك إذا مازاد لا ماقلّ = وربي صارهو سجني وزوّاري وحراسي
زرعتك فلّ في بالي معك بجني زهور الفلّ = لقيتك للأسف تجرح بشوكك رقة احساسي
تتلّ القلب بيدينك لزفرات المواجع تلّ = وانا ما هزّني ظلمك معك مثل الجبل راسي
وربي كثر حبي لك كثر ماودّي القى حلّ = تعبت اجامل احساسك لو انّه ما تعب باسي
أجامل وابتسم لجلك حبيبي يا عساك وعلّ = تحس بحااالتي مرّه وتفهم يا بعد ناسي
صحيح انك دفى شمسي صحيح انك لروحي ظلّ = صحيح انك اذا صدّيت عنّي ضاقت انفاسي
ولكني بعزة نفس اموت ولا اعيش بذلّ = ولو جابتني اشواقي اجيلك رافع(ن) راسي
دخيل الله عن عيوني وعن دنيا غرامي حِلّ = انا وشلي بمن يشغل معه روحي وهو ناسي

حبيبي الغالي صوت الإحساس / علي مساعد الغامدي

صح لسانك وفكرك وعقلك يا أبو سجى

كعادتك مبدع دائما ً يا مرهف الإحساس

أسعد الله صباحك فقد أسعدتنا بهذه الباذخة

ولكن أني بعزة نفس أموت ولا أعيش بذل= ولو جابتني أشواقي أجيلك رافعٍ رأسي

كفو والله يا أبو سجى بس غيرك أظن ما يقدر على الهجر

أتمنا لك صباحاً مضيئاً ومشرقاً عامراً بالمحبة والصحة والعافيه

أخــــــوك ومحبك

سعــد عبــد الله العبيــد

هاجس }{ نجـــد