[شجاع عمر الأكلبي]

تتحدّث عن نفسها

طبيت روض ٍ يشافي القلب يشمومه=له بنّة ٍ من بعيـد تجيـك فوّاحـه
روض ٍ مع كل مطلق رافع ٍ سومه=ياحافظ ٍ رأس مالك دور أرباحـه
دنياك مثل الرحى تطحن ومبرومه=واللي بها شاقي ٍ مايعرف الراحـه
ماينفع الرجل فيها قـوّة عزومـه=لوكان رجله مع الديـان جمّاحـه
الناس فيها غني ونـاس معدومـه=وهايب الله مابين النـاس رجّاحـه
ياراعي الثوب ثوبك قصّر كمومـه=الهمل ماطوّل الذرعـان بشلاحـه
فالبارحه يوم كلٍ غـط فـي نومـه=عيّت عيوني تنـام وتقبـل الراحـه
أسبابها وقتنا اللـي كثـرت ثلومـه=وقتٍ به الليل الأسود ضعف مصباحه
فيالله يامـدرج ليلـه بعـد يـومـه=الليل ظلما ونور الصبـح فضّاحـه
ليلٍ غشانا طلبتـك قيّـض نجومـه=نسريبها في الدجا والنفس مرتاحـه
بعض العرب رأسه يدربيه ويزومه=الظاهر إن الكبر غازيه وأجتاحـه
يدخل علينا ولا يبدي لنا علومـه=حتى سلام الشريعة بخل ماطاحـه