اقتباس:
المشاركة الأصلية كتبت بواسطة شجاع عمر الأكلبي
إليكم ترجمة حلام النوم 
ألف هلا يامن بنومي هجدني=الغالي اللي جعل الأنذال تفداه
اللي عشقته موت وأيضا عشقني=جتبه حلام النوم من كثر طرياه
سلم ورديت السلام وحضنّي=وسلم على رأسي وقبلت يمناه
وجلس يناظرني بنجله حدقني=نظرة عتب قريتها في محيّاه
وليته عن اللي صار مني نشدني=وأخبره بأسباب ٍ حدتني وتخفاه
أقدار ربي عنه غصب ٍ عدتني=واللي تسبب عوج الأقدار تفجاه
سود القلوب ببعد خلي رمتني=فلان واشي زور وفلان زكّاه
وجنّد عصابة من هله وحربتني=وحطوا على بابه رواصيد ووشاه
وأتعبت ناس ٍ في الطلب ماعصتني=وباب ٍ رجينا فيه طيب ٍ طرقناه
وياليتها من بعد هذا عذرتني=أو ليتها شاعت مع الناس مابغاه
من شان يطفي حر نار ٍ كوتني=وأنسى السهر والحزن والدمع والآآآآه
لكنــّها تشكي بكلمة تركني=ومادمت حيّة بأنتظر وآترجاه
أنا أشهد إنها بالوفا حطمتني=لأني عجزت بود ذا الوافي أجزاه
ودموع عيني لاذكرته عصتني=غصب ٍ تحدّر كل ما جات ذكراه
وباموت مانساها وهي مانستني=ياكيف بأنسى طاهر العرض وأسلاه
|
الشاعر العزيز / شحاع عمر الأكلبي
صح لسانك يا أبو عمر
عزالله أنك شاعر فوق القمّه
قصيدة شدتني من أولها لآخرها
كلمة مبدع قليلة في حقك
تقبل تحياتي وتقديري
أخــــوك
سعــد بن هبــد الله العبيـــد
هاجس}{ نجــــد