[هاجس نجد]

المشاركة الأصلية كتبت بواسطة خالدالحمد

كيبورديه
اتمنى ان تقبلوها وهي رد على قصيده وجهها لي أحد الزملاء
وهو الشاعرالكبير م .ناصر الشــبانات(شاعر الوزاره)
وهو أحد الزوار المتابعين لقصائد الفطاحله ولشعرائها الكبار
والمعذره قصيدته التي ارسلها لي لاتحظرني الان
وهي تتكلم عن موقف بيني وبينه في العمل مضحك نوعا ما
وكان هذا ردي مع نقف بعض الابيات لخصوصيتها

اليكم القصيده

ياحي قافن جاني باجمل عباره=من ناصر اللي جعل عمره مديدي
فيها المعاني بين جد وعياره=ومثله خبيرن بالمعاني يصيدي
يفزع ولايجزع بليل ونهاره=قول وفعل لاقال رايه سديدي
والمسأله ماعاد فيها شطاره=وانشد علي يعطيك علمن وكيدي
والخط هين لو تزاحم مساره=يروح وقتك بين قاف ونشيدي
مير البلا هالوافدي شب ناره=ومد له باللوحه كيبل حديدي
متعدين على حقوق الوزاره=ولامنهم اللي قال قولآ رشيدي
جازت له اللمعه وكـب الغضاره=حيثن لقاله بالوزاره عضيدي
ولامن امر جزاع يرفض جباره=وراحن ثلاث شهور مامن جديدي
والذيب خالد ذاق منها المراره=وفلاح منها صار ساعي بريدي
وسماح صار معقبن للأداره=وياكثر مادون بها ارقام قيدي
وصرنا مابين شعيط ومعيط وجاره=مثل المطيه في يدين الرشيدي
واللي مع الايام هشن جداره=ورعان جاره تاخذ اللي تريدي
وقالوا نعيش بعصر فكر وحضاره=وقالوا تساوى سعيد واحمد وعيدي
قلنا العفو حنا بزمان الحقاره=الحر صار اليوم للبوم صيدي
والذيب كّبل ثم حط بمغاره=والحصني هيمن ياخذ اللي يريدي

ياسلام عليك يا شاعرنا خالد الحمد

صح لسانك وعلى شأنك

عزالله أنك جبت الصحيح

وهذا هو الواقع اليوم للأسف

تمنياتي لك بالتوفيق

تقبل تحياتي وتقديري

أخـــــوك

هاجس }{ نجــــــد