[عصام عبد الحميد]

	مظلوم وحق عشرتك وأهه أنا شايف حضرتك تبعت رسايل للجميع عشان ما نعرف حسرتك لما غزونا الانجليز قلنا بليز ورحنا لغايه نهرنا وشربنا منه كلنا أما النهارده فى الابار ماء معدنى معلوش غبار والارض هى أرضنا والميه ليه تتباع لنا مظلوم ومش لاقى دليل يمحى كل المستحيل يعنى صحيح أشرب أنا وما يشربوش هما الكبار يا حضرة القاضى حرام ده احنا فى عز النهار سرقونا واحنا صحيانين وجيوبنا صبحم ملعونين عيالنا خلاص اتعموا م الفرجه مش عارفين يشترو وهما برضه مفلسين ينفع كده يا حضرة القاضى سماح أنا أصلى دبت من الجراح وللا أجيب من عندهم دبلومه تحلف باللى راح مصانعنا قال أيه اتخصصت بعد الخساره ما استوت مظلوم و حق الله أكيد حتى بضايع بورسعيد صبحت فى كان وهو مين بس اللى قال ان الكلام ده كلام رجال ده احنا يا دوب لسه عيال ورضعونا بالحليب اللى ببلاش وأدى واحده جارتى أنا ماانسهاش جابولها بقره قال ايه حلوب وجابوا معاها كمان حاسوب لاجل ما تحسن فى الرضاع لكن خساره عيلها ضاع عشان لبنها كان تقيل وادى واحده تانيه من الكبار راحت وعملت ليها زار واتعلمت سر الرضاع وم الحسره برضه ولدها ضاع يا حضرة القاضى ده عيب الكل مد اليوم ايديه حتى كمان المليونير ده ماعدشى فى بلدنا هنا أبراج تناطح السحاب ماعدشى غير عربيه كلاب ماشيه تلم الصعرانين يبقى احنا فين وللا احنا مين مظلوم ومش لاقى كلام لاخونا حسن الهمام حاجب محاكم السلام هوه النهارده كام بكام