راجعة بدمعة حراقة .... راجعة تقولي أنا مشتاقة
راجعة وطعم الندم ع الشفايف .... راجعة بتضحك وقلبها خايف
وزي النهاردة انا كنت خايف .... أقابل عيونها وأرجع أحن
دا يا ما كتبنا كلام ع الورق .... بحلم بجنينه ف بيت إتحرق
وياما طاوعتك أطاوع طبيعتك .... أعيش النهارده دا بكرة اتسرق
أطبطب على جرحي يمكن يطيب .... دي نبضه بتصبر ونبضه تغيب
وترجع بصرخة جرحني الحبيب .... انا مش عشانك بنادي القمر
ولا كنت زيك ولا لحظه حر .... أنا كنت داير في ساقية حزينه
بتكبش في همك في قلبي تصر .... وكل اللي همك ساعتها الحيطان
وطرحة وغويشه وأكر البيبان .... وانا كنت واقف في وسط الطابور
بعافر أعدي وبحلم أثور .... لمحتك شاورتي لسفينه بشراع
كتمت إندهاشي خنقت الصراع .... وعلقت حرتي في سين السؤال
قالولي اللي عايزك دا سايبك لمين .... وجاوبت دموعي انا مش حزين
أنا كنت عايزه يشوف السنين .... هتفرد جناحه وتاخده لفين
واديه النهارده راجعلي حزين .... راجعلي يلومني على دي السنين
يقول إنه ذنبي وانا اللي إبتدبت .... ما قولتش بحبك ولا جبت بيت