لعشاق الحزن والسّهل الممتنع
/
\
/
يا عين هلّي دموعك بدّدي همي = أبكي دخيلك وخطي حبرك بخدي
أبكي وبوحي هجوس اللي غدا اصمّي = يخفي أنينه بصلب القلب والكبدي
نثري بدمعك كيانه وارجعي لمّي = أرجوك يا عين شوقي هدني هدي
لي شهر مغبون بالأحزان مغتمّي = لي شهر أدور لها ما ارتحت بالسهدي
ذيك الهنوف التي كانت هنا يمّي = تحبني حبّ ما له بالملا ندّي
ذيك العطوف الحليمه دوم تهتمّي = فيني وتفهم إذا ناشدتها نشدي
ذيك الشغوف اللهوف وحبها عمي = وسط الحشى جوهره كالدر منضدي
يجري غوى عشقها يا عين في دمّي = ولهان ولهان ولهي واصل الحدي
أذكر إلى من بكت تمسح ترى بكُمّي = وتقول والله أحبك// خايفه فقدي
وأقول هبّي لصدري يالغلا وضمي = تأكدي أنت وحدك ساكنه عهدي
أشهد بربي (( وليلي صار معتمّي = من فقدها آه )) أنا بالحزن معتدّي
يا عين هلي دموعك بدّدي همي = أبكي وبوحي هجوسٍ شاق بالمهدي
تحياتي
ماجد المهدي