اقتباس:
المشاركة الأصلية كتبت بواسطة خالد بن حطاب
السلام عليكم ورحمة الله وبركاته
اخواني الكرام
اعتذر لكم عن غيابي الطويل
واقدم لكم هذه القصيده كإعتذار مني لكم
واتمنى ان ترتقي لذائقتكم
أهلا هلا حييت يا مروي الروح = غنا حمام الدار لحظة طلوعك
ديوان قلبي لك مشرع ومفتوح = إقلط تقهوى والمشاعر قدوعك
مرت سنه ودلال حبك بها فوح = قند إدلالٍ هيلها في ضلوعك
جيتك هذي بلسمٍ يبري إجروح = تعال جنبي وخفف اليوم روعك
سرك حفظته عندي مايقبل البوح = ولافيه داعي يوم بانت دموعك
شوقي لكم بالوجه تلقاله وضوح = ناظر عيوني ودمعها في رجوعك
غلاك عندي في فؤادي له صروح = ومفتاح قلبي في يدينك وطوعك
تعال وعيد اللي مضى وإطرد النوح =وإفرح حبيبي دام تضوي إشموعك
تعال وخل قلوبنا بأخضر الدوح = تغني طرب باللي يناسب إسموعك
أهلاً هلا حييت يامروي الروح = غنا حمام الدار لحظة طلوعك
وسلامتكم
اخوكم
خالد سعد بن حطاب العازمي |
صح السانك يا اخ خالد العازمي
قصيده عذبه وجزله من شاعر جزل
دمت بخير ولا هنت