[عبدالله الشويمان]

المشاركة الأصلية كتبت بواسطة الصريح العتيبي

سلاماً فيه ورد وفيه مسك وفيه خنة عود= وفيه ايضاً شعوراً صادقٍ وازكى تعابيري
أخص بها الرجال الطيبين اهل الكرم و الجود=واثنيها على هزاع و الربع المناعيري
رجالاً في ذراهم يستريح ويامن المضهود =ويلقى جارهم طول الدهر حشمه و تقديري
حزامي في الشدايد عزوتي وان حك عود بعود=ذراي في الزوابع و العواصف و المعاصيري
زيارتنا لهم كانت وفاء ومشاهده وعهود = نجددها بعد شفنا الموارد والمصاديري
وهذيّه سلف ترى السلف يابن نجا مردود= عليكم ردها مع جملة الربع المشاهيري
وحنا في زيارتنا ياهل مكه فوايد زود= مع العمره تحصل لك صلة رحم وعمل خيري
وانا مال اشتياقي للربوع الطيبين حدود =ازاورهم وفاء وافرح لياجوني مساييري
اليا شاهدت في المجلس من الربع الحشام وفود = اسولف بالقصيد وتبتهج بالحيل اساريري
هذا واسْلم ودم ما ذعذعت بارضك هبوب النود =وما غنت على اغصان الشجر ورق وعصافيري

صح السانك يا اخ عايض

قصيده جزله من قريحة جزل هو انت يا الصريح..

وافي ويستاهل من قيلت فيه..

وكفو كفو ولا هنت يا الغالي..

دمت بخير وصحه وسلامه .