[شجاع عمر الأكلبي]

تلقائية

الزود نقص وراعي الزود مكـروه=خص ٍ لياجا زود ماش ٍ على ماش
مراجله شحذه من الناس وأعطـوه=أحد ٍ عطا مقطوع وأحد ٍ عطا كاش
من شاف نفسه فوق الأخيار سموه=مهايطـي كـذاب زامـر ونفـاش
هذا ومثله في الرجاجيـل مسفـوه=مَعَرفته نقص ٍ على كـل مدغـاش
أصحابه اللي معه شامـوا وملـوه=لنه قصير ذراع للطيـب مانـاش
مغرور والمغرور خاسي ومملـوه=الله يجيرك عنه ياصافـي الجـاش
لولا حساني الناس بالمال مـدوه=كان أشتغل في دور الأيتام فرّاش
عزي لمنهم عيدوا لـه وربـوه=لاهوب لاراعي ولا هوب حشّاش
من يعترض درب الرجاجيل داسوه=واللي تستر في دجا الليل خفاش