لقيت بأصناف البشر فرق وشتـات
مـا تتفـق سبحـان رب ٍ بدعهـا
منهم كريم النفـس بالمـال والـذات
نفسه على طيـب المراجـل ولعهـا
دايم وله صوله وطولـه وجـولات
كرامته عـن كـل واطـي رفعهـا
لامن حضر كل الشدايـد سهـالات
مـن ساسهـا لاطوّلـت يقتلعـهـا
ثقيل ما يجـرف بكثـر السخافـات
ماهو مـن اللـي لاتمـادت بلعهـا
يصبـر وعنـده لـلاوادم مقامـات
حكمه من اللـي بالحنايـا زرعهـا
ماتجرحه كلمـه وراهـا تفاهـات
ولاكل عوجا لالفـت لـه تبعهـا !!
يدمح مع الزلـه امـور ٍ كثيـرات
لكنهـا باحيـان مـا يتسعهـا ..!!
ياطا عليهـا بالقـدم منـه لاجـات
ان جاه من روحه بنطقه ( وضعها )
وبعض البشر عقله ووضعه سماجات
ولايدري انه مبعـد ٍ عـن سنعهـا
( شذابت المقفين ) روس الخطيـات
لو دينها ظافـي عليهـا ردعهـا !!
عريان لو لبسه من الثـوب طاقـات
الاجـرب اللـي لالبسهـا جبعهـا
ماله بفعل الخيـر سمعـه ورايـات
وخطاه عن درب الردى ما منعهـا
واضح وضوح الشمس مابه مراوات
بالبصمة اللي فـي جبينـه طبعهـا
هـذاك مـا تكفيـه كيّـه وكيّـات
مثل ( ؟؟؟؟ ) اللي تحرى .. دنعهـا
ماقدر ( الخـوة ) ولالـه رفاقـات
( عقرب تبن ) لو ذيلها ما لسعها !!
سود القلوب اللي لهـا الـف نيـات
الله كريم اللي كشـف لـي جزعهـا
ومدامت الخطـوه تجـر المتاهـات
خله يصالـي حرهـا مـن بدعهـا
ضايع فكر لو طال عمره خرافـات
من وين ما جت له بوجهـه قبعهـا
ولو شالها بالصوت مالـه مناجـات
حاله تزايد مـع بلاهـا وجعهـا !!
اجبن من اللي همها بـس صبغـات
اللي تمايـل بالطـرب مـن دلعهـا
مابه مواجه كـود تلميـح شـارات
زحول الرجال ان جالها ما سبعهـا
اطلق لسانـه ماحسـب للحسابـات
يقصر عن الشينه لـو انـه ربعهـا
ومدامـه البـادي بشـر البدايـات
بيده علاقات الاواصـر قطعهـا !!
ولاني انا العايـل ولاهـي نهايـات
غيض النفوس اللي نساهـا ورعهـا
كتبت مـا كنيـت عبـره بالابيـات
والسيئة ذنب ٍ علـى مـن شرعها
صح لسانك اخي الشاعر محمد
لاهان را سك قصيدة رائعه
سلمت وسلم شعرك
دمت بخير