اقتباس:
المشاركة الأصلية كتبت بواسطة الجوهرة
من يقول إن الزمن ما به رجال=الزمن هذا ترى خيره كثير
العيوب وواردة في كل حال=الكمال وبس لله القدير
الحياة اتصير لحظة للزوال=والفناء بيوم هو كل المصير
لا تشيل هموم في حجم الجبال=دام عمرك وسط ها الدنيا قصير
المهم إن كل كسبك با الحلال=ما يهم لو " مرقدك " قطعة حصير
لا تخون وعذرك إنه " إحتمال "=ولا تحقق من ورى الشي الصغير
ولا تفكر كيف تكسب بالجدال=دام آخرته مرده للسعير
النفاق وفي ثلاثة لا محال=كانها في شخص لا ما هو بخير :
الكذب أكبر خديعة واحتيال=ما يفيد بصاحبه وإثمه كبير
والخيانة واقع(ن) ما هي خيال=ما يخون بصاحبه غير الحقير
والزمن يا سامعي لو فيك طال=الوعد لا تخلفه مهما يصير
الأمانة ما بغتها ها الجبال=إنتبه لا تصير معدوم الضمير
لا تبوح بسر لحظة إنفعال=لا تحقْد ولا تحسْد ولا تغير
ولا تردد كل ما هو لك يقال=ومو ضروري تنقله مهما يصير
والتعلم ما يجي إلا بسؤال=والشهادة ما تجي بمفرش وثير
أطلبه بأية تخصص أومجال=وأحفظ القرآن لا تصبح غرير
طبق السنة بحكمة وامتثال=لا تخلّف عن نبي (ن) لك نذير
والقصيدة ما هي والله إرتجال=ولا يهم أسلوبها لو كان غير
كاتبتها صار لي عدة ليال=من بدايتها ليا البيت الأخير
ما قصدت أبحث بشعري عن جمال=دام قصدي واضحاً والقصد خير
بالختام أدعيه ربي بإبتهال=ربي تغفر للي ذنوبه كثييييييير
|
هلا وغلا يالجوهره ومرحبا بك وبمشاركتك
ومليون صح السانك قصيده قووووووويه
لله درررررررررررررررررررك
ننتظرك بشغف ننتظر مابعد هذه الدره
تحياتي
مع اسمى ايات الشكر فائق الاحترام واطيب المنى رعاك الاله