عقبال عندكم الأفراح إنشالله
اليوم يوم السعد والكل فرحان = هلت زغاريد الفرح والتباشير
فهد عريس وجاز لي بعض الالحان = أرسل معانيها لكل المسايير
مبروك أقدمها مع ورود ريحان = معها بيوت الشعر بأحلا التعابير
فهد . عزيز إنقدره مثل الاخوان = و أنا سطرت القاف لجله بتسطير
معها التهاني بالنيابه لعتبان = نسوقها له مع زهور ومباخير
معروف يالأحمد وتاريخكم بان = إلكم مع الأمجاد سيره وتقدير
فهد شجاع مآخذ بنت شجعان = بنت الرجال اللي كرام ومشاهير
اسم الشبانه عالي بكل ميدان = أهل الكرم وأهل الدلال المباهير
يالله يالمعبود يا عالي الشان = تجعل حياته في سعادة وتيسير
وتوفق الغالي لغاليه ما كان = ويدوم عزّه والفرح دون تغيير
والختم صلوا عد ما هلت أمزان = على نبيٍ فسر الشرع تفسير