[ابو أنس]

[QUOTE=هاجس نجد;347823][align=center]

المشاركة الأصلية كتبت بواسطة أبوأنس

تهزني دمعة صغيّر على الخد=يهتز قلبي ويتزلـزل كيانـي
وتهزني نظرات حيرى تََهَـدّد=تبغي البكا من أي لمسة حناني
وتهزني نظرة شويـب تسنـد=على جداره وان تنهد كوانـي
يقول انا لي وِِلْد والْوِلد له ولد=ولا لقيت احد يغيـر مكانـي
وانا اتنكد إيه حيل آتنكد=لا شفت أمّ من ولدها تعاني
ويطيش همي وانثر الدمع واحتد=الى اظهر التلفاز ذل وهواني
واهتز انا من كلمة مالهـا رد=من طفلة ولها بكى ونحبانـي
تقول ابوي امي بثوبي تشـدد=واضيع انا واتوه مما دهانـي
ويمكن يحركني كـلام محـدد=ولااحترك من شوفةالدم قانـي
واحيان اشوف العنف ولااتردد=بمتابعة شوفه ولااشقى واعاني
بس ان لمسات المواقف لها يـد=تنفذ على قلبي تزلزل كيانـي

سعد
الشاعر العزيز / أبو أنس
بيض وجهك على هالقصيدة المعبرة والتي تهز الوجـدان ياسمي
صح لسانك وعلا شأنك
نفتقر إلى مثل هذه القصائد الإنسانية التي تحكي حال كثير من الناس ومعاناتهم
تقبل مروري وإعجابي
أخـــوك
هاجس// نجــــد

أخي سعد.............
مرورك أطربني ونثر السعادة في جنبات نفسي
وكلماتك الجميلة زادتني حبورا
لك كل الشكر