!
!
!
نامي ... على سجادة الطهر .. بالروح=والله ما غيرك ... وهـبـتـه ودادي
سقـف الحزن .. ما طاب له .. حزة الضوح=يمكن زرعـنـا ... واستـبـاحه جرادي!!
شوفي يمينك ... كم عصفور .. مذبوح=ماتوا لأن احلامهم .. لي تنادي
لـبّـيـت ... لكن ما اسمعوا .. صوت مبحوح=ونار الصدى هالحين .. صارت رمادي
لا تسأليني .. ليه غامض .. ومشروح؟=كبوة أمل ... وانهار منها .. جوادي
طعم الحقيقه ... مـلـح .. في حلق مجروح=غـص الغموض بداخـله .. يامرادي
سجلت لك آخر حروفي على اللوح:=مات وبنى .. من صرح حزنه .. مبادي
والحين .. نامي ... واستري دمعة البوح=يمكن فرحنا ... ياهوى البال .. غادي