[عبدالعزيز العمار]

السلام عليكم ورحمة الله وبركاته

غاليتي اهديها لقلوبكم متمنيا لها القبول ..



تفضلو

7


7


7


7


7


7

حسبي الله على اللي صابني بالسهام=مادرى عن صويب العين كم هو يعاني
عينه اللي على عيني حداها الهيام=في هوى العين ذاك اللي سحرها شقاني
ياشقى عيني لاصار الهوى والغرام=يفضح الشوق سر العين ومافي المحاني
أرفقي ياالعيون وما يصيبك ملام=وش تفيد الملامه بعد فوت الأواني
واشـّرَت لي بطرف العين ترسل سلام=وسلهمت بي على بحر ٍٍ بليّا مواني
قلت ماترحمين الحال قبل انعدام=خافقي لا غدا بالقلب يحكم كياني
وهـْمَست لي عيونه خجلة ٍ بالكلام=وقالت أعطيك نون العين فيها المعاني
وافهم العين ومعنى النون تلقى انسجام=نظرة ٍ.. في عيون ٍ لك غلاها دعاني !!
قلت انا عارف انك بالهوى في هيام=شف عيونك عظيم الشوق فيها يباني
ثم قفّـت ورى المقْـفـِيين وسط الزحام=واتركـتني وحيد ٍ تايه ٍ في مكاني!!
وصحت بالصوت انادي لين حل ّ الظلام=وما نفعني صياحي والمحاجر تعاني
صحت انادي تعالي وارجعي (يامرام)=ارجعي ياغناتي ياهديّة زماني
وجاوبن بالنيابه ساجعات الحمام=واجهرن بالنواح ورددن ّ بالغواني
ليتها يا حمامه ردّت القلب دام=مالنا في لقاها من نصيب وأماني
طمنيني عليها يا حمام السلام=وخبريها عن اللي في غيابه بلاني
واوصفي للغضي ما.حل ّ بي من عدام=ليتها ياحمامه تعْرف اللي براني
ورْسلي له سلامي بالوفا والتمام=وبلغيها عن اللي صابني واحتواني

عبدالعزيز بن سعد بن عمار