اقتباس:
المشاركة الأصلية كتبت بواسطة خالدالحمد
شهر الصيام اقبل عسى الله يحييه=اقبل هلابه عد ماينطق لسان
حيه عدد ماردد الخلق طاريه=وحيه عدد ماهل بالوسم هتان
وحيه عدد وردن نبت فوق اراضيه= وحيه عدد مايمشي بالارض انسان
وحيه عدد عشبن نبت في صحاريه=وحيه عدد ماغرد الطير بالحان
اقبل عسى ربي يتمم لياليه=ويالله عسانا نفرح بشوفه ازمان
شهرآ به المسلم يضاعف حسانيه=فيه العباده والتسامح والاحسان
اخره عتقن من جهنم وصاليه=واوله رحمه واوسطه فيه غفران
ويامسرفن بالذنب والرب عاصيه=اظفر بتوبه قبل زوغات الاذهان
وكم مسلمن يرجي حضوره ويطريه =وجته المنيه مالحق نصف شعبان
صل النفل ويا التراويح صليه =والليل خله في تهجد وقران
والقلب صفه والردي لاتماشيه=وصاحب رجال الدين تزداد ايمان
وكلن بيلقى في كتابه مساعيه=في يوم لاينفع قرايب وخلان
اما بقبرك جسمك النار تكويه=والا يجي قبرك من رياض وجنان
واعداد ماهل المطر من مناشيه= صلوا على سيد البشر نسل عدنان
|
بالامس كتب الشاعر خالد الحمد هذه القصيده الترحيبه الايمانيه بشهر رمضان المبارك وهنحن نودع الشهر الكريم ...
قصيده تستحق المقدمه كما تستحق المرور مراراً
فلله دررر ك ياخالد
وبيض الله وجهك
تحياتي
مع اسمى ايات الشكر فائق التقدير واطيب المنى رعاك الاله