[عبدالعزيز العمار]

المشاركة الأصلية كتبت بواسطة محمد بن عمار

السلام عليكم ...
عذري للغياب ماهو مقبول
لكن الشكوى على الله ...
يمكن هالمشاركة تكون عذر
من نوع آخر


العيون النواعيس

هذا بياض الكف وإلاّ قراطيس = وإلاّ شعاع ٍ حاضنه في يدينه
من شدته تطفى جميع الفوانيس = والشمس تشهق لو كشف عن جبينه
لا سلهم بذيك العيون النواعيس = أموت وأحيا بين رمشه وعينه
وأضم كفه وأغمره بالأحاسيس = وكفي من النشوة تضمّه يمينه
وأتوه في فرحه بليّا مقاييس = وأعيش لحظة حب بيني وبينه
وأقطف جنا ورد ٍ بصدره مغاريس = في لبة ٍ دون النحر زارعينه
وأعطرّ أنفاسي بنفحة نسانيس = تضمّد جروح ٍ بقلبي دفينه
وأودع العبرة وكل الهواجيس = وأنسى ليال ٍ ماضيات ٍ حزينه

محمد بن عمار

الغالي ابن العم ... محمد بن عمار :

معذور معذور على هالقصيدة العذبة ....

صح لسانك وقلبك وكلك ...

قصيدة رائعه وجميله لاهنت ...

تقبل اجمل تحيه ..