[العيناء العامريه]

المشاركة الأصلية كتبت بواسطة عماد الشريف

خيروني بين فرقاك ولقاك=فأصعب اللحظات وأشد الظروف
وجيت أغامر بأجمل أحلامي معاك=واترك الدنيا ولذتها تطوف
خفت لقطف وردة العشق فهواك=والورود تموت من بعد القطوف
يكفي أعطر حياتي من شذاك=واترك الحاسد يموت من الحسوف
كل همي كيف أحقق لك رضاك=لو رضاك أسهل طريق للحتوف
سم وآمر كل ماتحتاج جاك=والكرم طبع المعزب للضيوف
يا قمر لو غبت ليلة عن سماك=والقمر لحظات ينتابه خسوف
النجوم بكثرها ما هي كماك=ما تكفي عنك لو هي بالألوف
إنت تاج الزبن عندك في حياك=والحيا تاج على كل الوصوف
ما نويت أقدم الحب لسواك=حيث قلبي عن هوى غيرك عزوف
جيت ألبي من شقا الدنيا نداك=بالمواقف والمشاعر والحروف
كيف تسأل عن محبتك وغلاك=وانت تسمع بأذنك وعينك تشوف
قلبي اللي كل ما جابوا نباك=صوت نبضاته مثل ضرب الدفوف
أدرك العاشق قبل حد الهلاك=قبل شمسه لا يغطيها الكسوف
ليت ما جاني من الأشواق جاك=وليت قلبك مثل قلب أمي عطوف

تبارك الله

في قمه الروعه و الجمال

صح لسانك ونبضك ياخوي