[هاجس نجد]

المشاركة الأصلية كتبت بواسطة عبدالرحمن بن زهير

كفانا الله واياكم شر الكساد وتبدد الثروات هذه ابيات قديمه نوعا ما تحكي حال سوق الأسهم ووجدها مناسبه في ضل الأزمة الراهنه....تحياتي وتقديري

يـاسوق الاسهم كان لك الف تقدير=والـحين كـلاً مـكتوي بالخساره
عـلـقـتنا مثل السواني على البير=و اسـقـيـتنا كاس الآلم والمراره
احـلامـنـا كـانت تجينا طوابير=لـين انـحرف قطارنا عن مساره
الله اكـبـر يـازمـان الـمـقادير=خليـتـنا من خلف ركب الحضاره
كـنـا نـبي نصبح كبار و هوامير=و البعض مـنـا باع حتى العماره
احداً خذا قرض ودخل دون تـدبير=و احداً تـسلف مال من عند جاره
واللي بقى من راتـبـه للـفـواتير=و البعض ما يـبقى ولو ربع كاره
ما عاد احد داوم و لاصـار تطوير=حتى الخفير يغيـب و قت الخفاره
من لاسمع نصح وكـلام ومـحاذير=عـزالله ان الـفقـر يصبح شعاره
ما يدري ان السوق سوق الهوامير=ماهوب سوق المعـرفـه والشطاره
الله يـسـتر لا تـزيـد المـخاسير=وانصير عبره فـي مجال التجاره
وانبدل الموتر بشـاتين و ابـعيـر=والا نبيع عطور عـند الاشـاره

الأخ العزيز الشاعر / عبد الرحمن بن زهير

صح لسانك يالذيب

قصيدة واقعية تصف حال من إنكوى من هبوط الأسهم

حيث الكثير من الناس خسر ما ادخره من نقود والبعض الآخر

خسر بيته أو سيارته التي تقضي حوائجه وأولاده ومشاويرهم العامة والخاصة

والبعض الآخر غرق في ديون للبنوك وأصبحوا يسددون ديون لا نهاية لها

ولكن الخساره الحقيقية هي فالدين نسأل الله السلامه

أما ماعدى ذلك فالإنسان بعزمه ومثابرته قادر على التعويض

والعوض على الله

اسأل العلي القدير أن يعوضهم ما خسروه

تقبل ودي وتقديري

أخـــــــوك

هاجس }{ نجــــــد