اتصل بي الاستاذ الشاعر/ناصر الهواوي وطلب مني سماع قصيدته خط بعلبك وطلب مني إبداء رأى في نشرها من عدم وتركت له حرية الاختيار وقام بنشرها بالهمس وهانا الليله ارد على اخونا العزيز بهذه الابيات التي اسميتها يامطّوع الحــــــــي
اتمنى ان تنال اعجابكم
يامرحبا بالبيوت اللي لها معنى وروح وذبيل=هي راس مالك مع العّراف والا زّودت يالهواوي مكسبك
جنبتها طال عمرك والبقا لك خيمة عكاظ وابحور الخليل=وانا احسبه مايخالف عن طريق اهل الهدى مذهبك
الخط اخذ منه نصفه واعط نصفه ناشد المستحيل=اللي يدرهم على دربك بجيشه وان فتلت اشنبك
وانا اضرب البيد شرق وغرب حر ولا علّيه وكيل=والراي إلي يعجبك والا بعد مايعجبك
واما اتربه قلعةّ سكانها مابين جار وزميل=ازورهم وان دعونا حق واجب وانت محد اغصبك
وان طعتني حط رحلك مادام حصّلت لك ظل ومقيل=والشايب النجدي احذر منه واهرب عنه لايشعبك
حنا شربنا من العد القراح الصافي السلسبيل=والا انت قلي بعد جفت عدود البدو وش مشربك
ياصاحب اللول والمحار والمرجان اجل وش تخيل=يكفيك تينك ورمانك وخوخك بعد باح اعنبك
مالك ومال المغازي خلها قل جيت عابر سبيل=قدام ينزل عليك من الجبال السود ذيبّ بنابه يدبّك
خل السيوف الهنادي والرماح بغمدها لاتحط ولاتشيل=بعض الروابع تغر اصحابها بكره تعّود تنكبك
يامطّوع الحي جعل الله يعرضك التوافيق والدين الفضيل=والشلف لابن اجلوّي وذياب والاجرب ماهو بجربك