[صوت الإحساس]

المشاركة الأصلية كتبت بواسطة محمد عبدالله البدراني

طال السهر ياصاحبي وانت مانمت = بالله قلي وش حدا النوم عنك
ياللي حياتك مابها يوم كتمت = ولاضاق صدرك من همومٍ يجنك
ولا صوبك رمش العيون وتلعثمت = وتاهت بك الخطوه وسوده رمنك
حلو النباء لانمت شفته ولا قمت = ولا غاب عن عينك عيونه دعنك
نواعسٍ لامن تخيلتها صمت = عن الكلام .. وعن منامك حدنك
زودٍ على اللي بالخفاء له تألمت = هواجسٍ وان غاب طيفه ظونك
لو كنت مثلي كان معذور لو همت = الله فرق مابين فني وفنك
أنا حياتي قاب قوسين واتممت = عشر اْسنوات وخايف يصيب ظنك
اعيش عمري بين لو كنت سلمت = حبل الرجاء بيدين باسك اْومنّك
لكن على نفسي قسيت وتعلمت = ماحدٍ يشيل من العناء يوم عنك

وهذه تحياتي
مع اسمى ايات الشكر والامتنان فائق التقدير واطيب المنى رعاكم الاله

البدر ....الآني


صح صح صح صح لسانك مليار

يعلم الله ان ما قرأت اكبر من الثناء

وما اقول الا بيض الله وجهك

ولله درك لله درك يامحمد

شعر صافي من غير مواد حافظه

يعني من الوجدان إلى الوجدان


لكن على نفسي قسيـت وتعلمـت
ماحدٍ يشيل من العناء يوم عنـك


يا لطييييييييييييييف يا محمد

هنا لا تعليق



صااادق الود