[عذب القوافي]

المشاركة الأصلية كتبت بواسطة سعد الشقحاء

(يا مل قلبن بنات البدو يشعــــــــنه)=شطرن قديمن مع الشعار ينقـــــــــالي
واجر صوتي معه وسامر الشــــــنه=على وليفن فراقه مشغلن بــــــــــــالي
الصاحب اللي جمال الحور من فـنه=وزودن على الزين عندي منزله عالي
كل المشاعر ووجداني يــــــــــودنه=ونشهد انه عزيز وعندي الغـــــــــالي
مخلص بحبه بلا شرطن ولا مــــنه=حبه ملكني وانا مرخص له الحـــــالي
اون من غيبته والقلب لـــــــــه ونه = وطول غيابه وطال البعد به طــــالي
ومانيب ناسيه ولاني دالهن عــــــنه=لينن جسمي عليه الرمل ينهـــــــــالي
والموت حاصل وحق و للبشر سنه =وكاني شهيد العشق مانيب انا الحـالي
قولو لها عن مكان القبر كـــــود انه=يحط قبري طريقن له ومدهـــــــــالي
ابيه لا مر وعيونه يشوفـــــــــــــنه=يذكرعذابي وحرماني وغربـــــــــالي
وبيه يذكر ويذكر وش بدر مــــــنه=ويراجع اللي حصل في اول وتــــالي
يمكن نصايبك يا قبري يبكــــــــنه=ويروي ثرى القبر من دمعه ليا ســالي
والله كريمن عطوفن يعطي اللجـنه=ويبدل الحال من حالن اليا حـــــــــالي

الجزل / سعد الشقحاء

صح لسانك

نص وافي

بوح عالي من شاعر ٍ معروف

لله درك يالغالي

تقبل ودوتقدير

أخيك

:::::إبن خزيّم:::::