انا راحل عن عيونك وابيك بكلمتين صغار = إلى من ضاقت احوالك تذكّرني ورددها
( احبك موت ) رددها بقلبك تنبت الازهار = (احبك موت) معناها حياتي فيك مولدها
تذكّرها وتلقاني بقلبك كلّما تحتار = تلاقيني مع اطيافي بروحٍ كنت تجهدها
بسافر يابعد عمري طويله سكّة المشوار = تركت القلب بيدينك وروحي معك بفقدها
لك الذكرى تناديني ويحرقني لهيب النار = ولكن خطوتي ترفض رجوعي لو أعاندها
انا مكسور في نفسي وخلّيت الجروح اسرار = أبآخذها مع اغراضي وبرحل قبل تشهدها
صحيح ان الحزن قاسي ولكن ماتفيد اعذار= كبرنا عن طفولتنا ووقتٍ كان يسعدها
خلاص اليوم ودّعنا زمان وباقي التذكار = تسلّينا بوحدتنا ونسلى في مشاهدها
دخيلك لابكت عينك وهلّت دمعها مدرار = ترى روحي مناديلك تكفكف دمع يوقدها