[هاجس نجد]

المشاركة الأصلية كتبت بواسطة عوض العتيبي

ياقبر بلغ شايبٍ فيك مدفون = إن الحزن يأمر عليّه وينها
غديت عبدٍ للحزن دوم مرهون= وافراح عمري شفت قفى ضعنها
والهم بيح داخلي كل مكنون = والنفس عافت شامها مع يمنها
صارت مقر الحزن للحزن مخزون= وماضاع من حزن الاوادم زبنها
وقله تراني من قسى الوقت مغبون=اسقتني الدنيا حمايض لبنها
ماعاد اميز بين صاحي ومجنون= ولا عاد انا اعرف سيها من حسنها
لاكن اعرف انه حكم خالق الكون=والنفس قنعانه بسر وعلنها
وياقبر قله حافظٍ ماتوصون = وصيتك يابوي عقلي سكنها
لو الضحيه تاصل لحد مليون = والله لا ضحيلك لو اشحذ ثمنها
لوارهن البزران واعيش مديون= وصيتك يابوي ماصد عنها
ماهوب لجل المدح لو قيل دندون= لو قالوا ان المرجله يحتضنها
ولاهوب لجل اللي مقفى وموزون =لادق هاجسها شلعنا لحنها
الا من اجل ليا بكى كل محزون= والدمع راق وبعض الانفس شحنها
ابغى جزاها يوم الامه يموتون =والنفس تصعد والجسد في كفنها

الشاعر العزيز / عوض العتيبي

رحم الله موتانا وموتاكم وموتى جميع المسلمين

وإنشاء الله يجمعنا بهم العزيز القدير في فسيح جناته

والنعم فيك يالعتيبي كفو ما قصرت

تقبل عزائي وتحياتي وتقديري

أخـــــوك

الشــــاعر

هاجس }{نجــــد