مالوم قلبي
كل ماذكرتك ارتعش قلبي وفز=وا حس جسمي يرتجف باهتزازي
لامن بدى طيفك أنا خافقي هز=لاشك حبك للأحاسيس حازي
حبك سكن قلبي ولز الحشى لز=ولافادني كثر الحذر واحترازي
الشعرفي مدحك كسير ٍويعجز=حتى دواوين الشعر ماتوازي
انتي جمال الروح والزين يعتز=إنه كسب اسمك وبالقرب فازي
بقول باوصافك من القول موجز=مزيون ناجح فيه بأعلى امتيازي
طيفك شغل فكري ومز العقل مز=يطري علي لاشفت بعض الجوازي
لابد مايصبح طريقك ملعوز=دربك عسير ودرب غيرك عزازي
ربوك اهلك يااتلع الجيد في عز=مابين داري نجد وارض الحجازي
اخشى فؤادي من همومه ينجز=ولا مات مات الحب من دون عازي
سافرت أنا في درب حبك بلا حجز=واعلنت حبي للملا و انحيازي
ومالوم قلبي يااريش العين لافز=محد ٍ يشوفك مايجيه اهتزازي