اخواني شعراء ومشرفين واداريين واعضاء هذا المنتدي العريق
اخوكم طلال المسيمير ( صحفي بجريدة الرياض .. صفحة خزاما الصحاري )
حبيت ان اكون احد ابناء هذا المنتدي بدعوة من اخ عزيز لكم (عوض العتيبي ) ويشرفني ان اكون منكم
اول مصافحتي هي محاولة لا ترقي الى مسمى قصيدة حبيت ان تكون اول تعارفي معكم فاقبلوها براحابة صدر وكل عام وانتم بخير :
كثرالحلوم اللي على العالم اتويق= الها على راسي فزوع ومساري
تسري عليه لين من نومي افيق= واصير بفكاري مع الليل ساري
اسري بخيال الحلم بالفكرما اضيق =واميز احلومي لو هي عواري
لو كانت الاحلام ينشف بها الريق =ابي احتضنها لو بعضها هذاري
احلوم ليل اصعد بها للشواهيق = يسبح بها فكري بحد اقتداري
اشوفها قدمي حرار مطاليق= حرار عادتها تصيد الحباري
ما شبكت ما ربطت بالمسابيق = ما قرنست ما ريضوها جباري
تحوم في راسي على قد ما اطيق= حزت تغط العين دون اختياري
معها لفى البارح عشير المطاليق= نزل بطيفه وللعيون امتواري
فزيت مع فزت جميع المعاليق =ومشاعري تنهضت له سواري
زائر عزيز ومن اعز المخاليق = له منزلن عندي ومكانن وقاري
حييت يا زائر لشوفك مشافيق =بزيارتك نورت ظلم الغداري
طولت بالغيبه وانا اعد واسيق= من التمني والرجاء والطواري
نديمي اشعاري بحلو الطواريق= اسوقها يوم ان طال انتظاري
ولو بان بعيونك عتب مع ملاحيق =في عينك اليمني وذيك اليساري
عتب محب ولا وصل به تفاريق = لو قلت عن وضعك يبالك أمثاري
واضح تكبدت الشقى وهرج ماليق= وانته ترى للظلم مانته بضاري
طاهر عفيف وراسيا كنك اطويق = ثابت ولا هزتك ريح الصحاري
ولو جمعوا جيش الحكي بك مطافيق=منصور مثل النصر بذات الصواري
سريت يا حمل السعد والتوافيق= واخذت طيف اللي بذكره انماري