تنشد عن اللي داخل اعروقنا جال = تنشد عن ادموع العيون وسهرها
تقول وش مبعدك يا طيب الفال = واقول نفسي منك زايد خطرها
ليت الوصل ما بينا يالغلا طال= ويا ليت روحي ما اعلنت عن كدرها
مات الحلم وانهدت اليوم الامال = وشجار وصلك ما قطفنا ثمرها
تدري بانك يوم تطري على البال = دموع عيني منك يجري نهرها
ولا تحسب ان الحب من خافقي زال = حبك بقلبي له قصورٍ عمرها
دام الغلا في القلب ساكن ويختال = لا تلوم منهو لك دموعه نثرها
الوقت جاير والزمن يا الغلا مال = والنفس خافت من تزايد ضررها
حبك بقلبي سهم ساطي وقتال = سلب من اعيوني صفاوت نضرها
طفله صغيره عاشقه زول رجال = هامت مع حبه ولكن قهرها
قالت لها احبك وهو قال تحتال = ومن عقبها كثرت بلاوي دهرها
قبل ابتعد برسل لكم كم مرسال = ابيات شعرٍ فيك تنظم دُررها
تحكي لك الواقع وتوصف لك الحال = ولهايب الاشواق يضوي شررها