ياشوق شوقي شاقني من هويته=شوق الذي شوقه من الود ماطاب
ماطاب جفني بالكري من جفيته=كأني علي بابه أنا صرت بواب
أصبح علي وده وأن أمسيت جيته=أسمر معه وأبادله ود وأعجاب
وأشتاق له لو كنت في وسط بيته=حبه بقلبي وغالقٍ دونه الباب
ظبي العدم ماشفت مثله فديته=سيد الغواني باهي الخد جذاب
كل الحسن في وصف خلي لقيته=خدن وخال وشف وعيون وأهداب
هويت الهوي من يوم خلي هويته= وياه ذقت الود مشمش وعناب
وبعض البشر لي غاب عنك سليته=والبعض لاماغاب عنك ولوغاب
والبعض لامن طال شومه نسيتـه =والبعض لامن شام زادك بالانشاب
والبعض ودك داخل القلب بيته=والبعض ودك ماتشوفه علي الباب
وأختم كتابي مثل ماني بديته=ماطاب أنا عوقي من الشوق ماطاب