[النهج المختلف]

المشاركة الأصلية كتبت بواسطة الطائر المهاجر

قلبي معك حتى ولو يوم صدّيت = مهما حصل منك الهجر فانت معذور
ادري بقلبك صادقٍ يوم حبّيت = وادري الزمن قاسي ولامنّك قصور
وادري انا المسؤل يومي تجنّيت = وابحرت بك في شاطيٍ كان محظور
كان الأمل وهمٍ رسمناه واشفيت = نجمع ثمار الحب كالدر منثور
لكن خساره حلمنا راح وازريت = انسى واسلّي النفس عن حلم مبتور
وش فايده ياليت مهما تمنّيت= حظّي ردي وخاطري منه مقهور
يلعب بي الهوجاس والفكر تشتيت= ولا لي على وصل المحبين مقدور
ليه يازمن من جورك اليوم عانيت= اقضي بقايا العمر في كون مهجور
ظلام دامس وين مارحت أو جيت= ليلٍ طويلٍ لا شعاعٍ ولا نور
حاول حبيبي لو لأجلي تعنّيت = من غيرك اللي يجبر لقلب مكسور

الشاعر الرائع الطائر المهاجر صح السانك ,, ,,

قصيدة رائعة يابوعبدالله ياسلام عليك يامبدع ,, ,,

وصف جميل وراقي من شاعر فحل ,, ,,

لاهنت يالغالي ولاهان راسك وفكرك ,, ,,

تحياتي وتقديري ,, ,,