واعرف ترا الدنيا مدارس بلا استـاد
مـن التجـارب والعمـل والمِراسـي
وما مدح احد او قيل له قـرم الاولاد
الا الصميدع من عنا الوقـت عاسـي
وش عاد لوكانت حياتك بهـا جهـاد
كـل الحـيـاة اقبالة(ن)وانتكـاسـي
والقصر لامنه تأسـس علـى عمـاد
يصبر علـى مـر الزمـن والمآسـي
وانت الحفيد ولك فخر بيـن الاحفـاد
مادمت وافـي بالعهـد منـت ناسـي
اصبر على ميلات الاريـا ولـو كـاد
واستصعب الموقف وشفتـه عفاسـي
وبالك تعادي من يـودك ولـو حـاد
واخطا ومثلـك ماهـر ودبلوماسـي
والله يجيرك مـن عسيـرات الانكـاد
ينير دربـك مـن شتـات وعماسـي
صح لسانك مليون ولايكفون
ابيات رائعة وهادفه
سلمت ودمت بخير