اقتباس:
المشاركة الأصلية كتبت بواسطة سعيد الصاعدي
الوقت هـــــذا عشت حلوة ومـره = ومشيت في درب السعد والنكاده
لاني من اللي ضحــك الايام غـره = ولاني من اللي طــال حزنه وقاده
ولاني مـــن اللي ثابت في مقـره = عايش مع الثنتين حــــزن وسعاده
ان مت محــــــــــــدن قال لله دره = وان عشت مـاحصلت حتى اشاده
انا ووقتي بين كــــــرة وفـــــــره = والكــــــــــــل منا ثابت في عناده
ان طافني بردة تلحفت حــــــــره = ولامـرني صيفه الملم حصــــــاده
يعني بدون غــــــرور ماهاب شره = مادام لي رب رحــــــيم بعــــــباده
ذر الرمـــــــــاد بعين حاسدك ذره = لامن سقاك الوقت سكــــــر زياده
(( تحياتي للجميع )) |
سعيد الصاعدي صح السانك ,, ,,
قصيدة جزلة من شاعر وافي ,, ,,
لاهنت ياسعيد ولاهان راسك وفكرك ,, ,,
الله يعطيك العافية على هذا الإبداع الجميل ورائع ,, ,,
تحياتي وتقديري ,, ,,