[النهج المختلف]

المشاركة الأصلية كتبت بواسطة عبدالله الشويمان

اليكم احبتي هذا البوح اتمنى ان يكون لها لدى القارئ نوع من الاعجاب..هو ليس بجديد وانما من الاوراق اقديمه.

يا ليتني بايع العنَّاب

تبين النور وليلي تو وقته بدا=كنه طلع لي صباح إبشمسه الشارقه
ضبيٍ صدفته جماله ما لِحق له مدا=بين الضبا يا كثر إخصاله الفارقه
من يوم شفته وانا بالدرب فوق الهدا=القلب ميَّل معه والعين له زارقه
ياليتني بايع العنَّاب يا محمدا=حتى يباح الكلام احكي مع الطارقه
واقول قلبي هواك احساس مابه ردا=وجه لوجهٍ واقول النار بي حارقه
هيا الى المحكمه تكتب لنا عقد أدا=عشرة محبه على السنه ولا السارقه
واختم كلامي واذا ما فاد فيه الندا=النفس والروح من دونه ترى غارقه

عبدالله الشويمان-الرعد

الله الله

الشاعر الرائع عبدالله الشويمان صح السانك ,, ,,

وصف جميل وراقي من شاعر جزل ,, ,,

لاهنت يابوبدر والله يعطيك العافية يامبدع ,, ,,

تحياتي وتقديري ,, ,,