[عدنان كريزم]

مساء \ صباح الخير حبايبنا


شخباركم .؟؟

بوح من داخل الالم .. ممزوج بالوحده الرهيبه ..

بوح كم اتعبني .. لكن آبياته اشتملت بالهدوء


آآقول ..

عظيم الالم في توّجد عناه = شديد المواضع كريمٍ عطاه
يجيب النهايه ويلغي حكايه = وتصبح حياتي غصيبه معاه
آسافر ويلحق ضميري وينشّب = وقلبي يحلّق وقلبه وراه
وجودي ينادي وشمسي تداري = وكلي غدا في محطة هواه
عظيم الالم لا تمسكن غلاي = ودمر حنيني ولوّن سماه
يخلل عظامي ويشلشل كلامي = ويصبح لي جسمٍ وآنا له رداه
آلا ليت شعري يكمّل جميله = وينصب لي خيمه ف\وسط السراه
ويشب لي موقد ويجلس يسولف = وبقصد قصيده تبيّن غلاه
عظيم الالم لا سجد في سجودي = وخرّب خشوعي وخلّ الصلاه
وكمّل طريقه ويقطع صلاتي = وصارت مَنَآتي تعآكس مَنَاه
عظيم الالم لا تجسّد كياني = وفي حد ذاته وجوده بلاه
يسافر ويرجع ويبقى ويرحل = تلذذ وجودي وفسّر حلاه
لا تحسب حياتي رغيدٍ علامك؟= حياة إبن آدام قليله ترآه
يحاول ويكفح يناول ويفلح = وكلن حياته على ما يبآه
شعور الشعر في حناياها لوم = ما ذاقت هَنَا إلي ما ذاقت هناه
كلامي وصلها وشعري وصلها = وبختم كلامي وبنسى عناه
عظيم الالم في توّجد عناه = شديد المواضع كريمٍ عطاه
يجيب النهايه ويلغي حكايه = وتصبح حياتي غصيبه معاه

وسلامتكم .. والعذر على القصور