اقتباس:
المشاركة الأصلية كتبت بواسطة عبدالكريم بن خزيم
 |
|
 |
|
((الطيب ضايق ودّه اليوم مخراج))
كيف أرتفع في وقتنا كم هلباج=وذلوا رجال ٍ ياجماعه كريمين
والطيب ضايق ودّه اليوم مخراج=وصار البخل محمود عند اللئيمين
وبعض العرب في وقتنا دون منهاج=وأهل الردى ياكثرها صارت تبين
كيف الغني في هالزمن صارمحتاج!=يأخذ لو إنه في حسابه ملايين
محروم عايش في متاهات واحراج=من شاف لبسه قال مسكين مسكين
يسبح على بحرالمذّلة بالأمواج=وفي موتته حتى عياله سعيدين
ياللي مسكت المال مربوط بأدراج=وش ينفعك مادام عمرك ثمانين
بكرى بتحمل للمقابرعلى ساج=ويعرض سجّلك ماحوى الشين والزين
وأستثني اللي فعلها الدر والعاج=قوم ٍ تصّدق بالخفاء للضعيفين
تعطي ولاهي تملك قصوروأبراج=تعرف تقول الدار مابه مقيمين
وترى الحساني راعية توّج بتاج=يجني ثمارالبذل محفوظ بعدين
والختم صلوا عد مايحرم الحاج=على محمد رحمة ٍ للمسلمين
تقديري للجميع ,,,,, |
|
 |
|
 |
|
السلام عليكم ورحمة الله
أسعد الله جميع أوقاتك بكل خير وسعادة
حاولت أن أقتبس منها أبيات فوجدت كل بيت يزيد روعة بما قبله من بيت ومابعده فلم أستطع أن أقتبس بعضها وأترك آخر
بيض الله وجهك يالشاعر المبدع قصيدة جزلة وفيها درر رائعة وثمينة
اللهم صلي وسلم على محمد وعلى آله وصحبه وسلم تسليما ً كثيرا
لك شكري وتقديري واحترامي