اقتباس:
المشاركة الأصلية كتبت بواسطة زيد راجح
هذه الابيات رثاء في شاعر الخليج وسيف الشعر الذهبي الشاعر الكبير(فيصل الرياحي)
رحمه الله والهمنا الصبر والسلوان وهي بعنوان اعزي الشعر واربوعه وجمهوره
نجم هوى من مداره ماطفى نوره=لو غاب يبقى سناء نوره على القمه
أعزي الشعر وربوعه وجمهوره=وأعزي المرجله والطيب والهمه
في فيصل النادر الموهوب الأسطوره=اللي حوى المجد من كمه إلى كمه
اللي مع اهل الوفاء وافيه شبوره=وفاءٍ زرع فيه من خاله ومن عمــــــه
في الطيب والمعرفه ماتسبح بحوره=وإن جيت للشعر عدٍ راهباّ جمه
دون القبيله وقف متميز دوره=كنه موكل من الرحمن بمهمه
وإن سمع عنها كلام يجرح شعوره=يرد رد الشجاع ويغتلي دمـــــه
ونفوسنا اللي على فرقاه مكسوره=الطف بها وارضها ياكاشف الغمه
وابرد كبود على ابو بدر مفطوره=وارحم قلوب بعد حزناّ ومهتمه
عساه في جنة الفردوس مع حوره=تلقّفه عن ظلام القبر وتضمــه
يارب جعل العوض في الخمسه صقوره=النّدر اللي موجّهم على اليمه
والعفو ماوفيت سيف الشعر مقدوره=لعلها كلمه تبرأ بها الذمه
|
زيد راجح
وقصيدة رثائيه رائعه
قرأتها امس الجمعه في جريدة الجزيرة وكانت هنا بالفطاحله من قبل
مليون صح السانك
تحيتي وتقديري