[عايض ابوشيبه]

البعض لامن غاب عادي غيابه = بس انت لا من غبت يفرق غيابك
مغليك شف مغليك شوقه غدابه = والشوق لو حرّك فؤادك غداابك
لا مر لك طاري من اقصاه جابه = ولوهي على شوقه من اقصااك جابك
وين انت يا سبّة شقاه وعذابه = وين انت ترحم خافقه من عذابك
وين انت تجبر ببتساامه مصابه = ان كان ماصابه من البعد صاابك
مشتاق يشكي لك وتسمع عتابه = وتغفا على صدره ويسمع عتابك
آنا دخيل الكحل واللي زهابه = وآنا دخيل الحسن لامن زهابك
الحسن يذبحني ونفسي تهابه = وانت القمر من زود حسنك يهابك
ماشفت زين الا وبه شيّ عابه = الّا انت ما بك شيّ شفته وعابك
لو قيل شيخ الحسن ما به غرابه = الحسن يتشرّف بحضرة جنابك
ياسالفة عمري وزهرة شبابه = لا ينحرم مغليك لذّة شبابك
مثلك وربّي عن حياتي ذهابه = يعْنِي ذهاب الروح حزّة ذهابك

[/QUOTE]

الله الله

صوت الأحساس اسم على مسمى

والله ابداع ابداع ابداع

صح لسانك مليووووووون لا ملياااااااااار

والله ليست مجامله سعيد انني تواجدت هذه اللحظه هنا

تصوير ورسم وش اقول

سأبقى هنا طويلآ

دمت ودام ابداعك

تحياتي


اخوك