شيله للقصيده بصوت المبدع الشاعر
عقاب الروقي
(( الذيب ))
.
.
ماجيت اكمل مسير زْهير والبحتري=جيت ابدع الشعر والتعريف قحطاني
ماجيت اكمل مسير زْهير والبحتري=جيت ابدع الشعر والتعريف قحطاني
ماجيت اكمل مسير زْهير والبحتري=جيت ابدع الشعر والتعريف قحطاني
.
.
من عام ..!! دوّرت لي يومن مضالي بري=من دم جرحي.. ومن تلويعة احزاني
كم يوم عشته معَ دنياي فيه احتري=يطيب جرح الخفوق اللي تحداني
لا بالله الا خفوقي ياجروحي جري..!!=ياكيف..!! ياقف هنا قدمي بميداني
لا قلت له : ياخفوقي تو عظمك طري=ايقول لي : ماعرفتي مين شيطاني..!!
خل العلوم الخفيه دام محدن دري=وانته تركد هنا قدّام لا عاني
حاول تدقق هنا في خافي الاسطري=يالين تقدر تميّزني وتقراني
ماجيت اكمل مسير زهير والبحتري=جيت ابدع الشعر من دمي وشرياني
ياناشدن بالخفا وشهو حوا دفتري=اقرا وتفهم تفاصيلي بقيفاني
الحال مبري من اللي شفت والله بري=والمشكله بالنفوس اللي تناساني
النخل نخلي وتمر النخل هذا تْمري=ياكيف تبغى تشاركني ..ببستاني..!!
يامن تبيع الوفا حط الوفا واشتري=قدام اذوق الغبن والهم ينصاني
دامي زبونة وفا لازم يكون ثْمري=امجاد طيب وعطا من عز جداني
ياطول ليل الصبر وان كان ما ينسري=رجمي على ضلع همي قام يحداني
يافارين جيبي ابكثر المصايب فري=ماعاد تفرق.. خلاص الضيق خاواني
وان كان عامي قضى مافيه يومن بري..!!=ازبن على الله قضاي بعامي الثاني