[عذب القوافي]

المشاركة الأصلية كتبت بواسطة عايض المقاطي

السلام عليكم ..





,,





,

النار تشعم والحطب يا سعود في صدري يزود=وأما فزعت بمطلبي ولا تراني بشعمه
هات القلم وأكتب على بيض الصحايف ما يرود= افـ .. خاطري والطايله للي كتبها بقلمه
صاحبك لا منه زهم فكره ولا ساق الحشود=في ذمتي من عقبها مهما جرى ما يزهمه
العلم ما هو سالفة يمكن يفود ولا يفود=ماني من اللي بندقه لجل الهزيله يفحمه
العلم غزه عانها من سبة أفعال اليهود=تصبح على غصن سلمه تمسي على غصن سلمه
فيها الشوارع مقبره حفارها شلة ايهود=ولا النصايب كلبوها عظمتين وجمجمه
لا والله ألا روّحت غزه عسانا للحود=إن ما وقفنا دونها لين المعادي نلطمه
والمشكله لو إنها وقفت على هبد القعود=شكره على دنة حطب فأول تقاطع تصدمه ..!!
مار البلى كان اعتزى في عمه الهرش الهبود=اللي ثلاث من القيود المحكمه ما تلزمه
يطمنه ويسمنه لينه على السيد يسود=ويعلمه عقب العرج آخر فنون الدرهمه
شلقة همل جمالها بين التمني والوعود=رايح على فمه شحمه جاين على فمه شحمه
مار الله أكبر والزمن لابد إله يومٍ يعود=ويمغّط اللي غرته سود الليالي برطمه
ونلقى الجمل باللي حمل .! فرقبته الحبل معقود=عمه يسوقه وإن بغا يطلق قياده ياسمه
جملة حقايق ثابته واللي بقا بيتٍ سدود=مثل الحجر لا من فتح فمه المعادي يلقمه
إما لحقنا باليهود أهل الخنا عاد وثمود= "عيب علينا قولنا إنا لأمّه مسلمه"

الجزل : عائض النقاطي

كتبت فأبدعت

لله درك نص وافي والله يحق الحق ويمحي الظلم

عن المسلمين عامه

صح لسانك مليون

تقديري,,,,,,,