اقتباس:
المشاركة الأصلية كتبت بواسطة حي الضمير
شعارنا في هالبلد عد واغلط=تسمع قصيده تحسبه خالي العيب
جزل المعاني لانطق قلت بالضبط=هذا الصييفي فهيد والا تريحيب
لابالله الا تقول فالشرق الاوسط=تبطي العذارى مثله اليوم بتجيب
تقول هذا الفارس الذيب الامعط=بيعيد قصة سالم الزير وكليب
والرجل طاهر قلبه ابيض من الاقط=وفيه التواضع فيه حسن الاساليب
ولامن خويته لوهي ايام تحبط=ولوًك شباب الراس من فعله يشيب
اثر الدعاوي هرج قاف ومهايط=وقت اللزز هرج مضى فيه تكذيب
هم كالسراب تشوفه العين كالشط=لابل ريق ولاظلم الليل بيغيب
جربتهم ماقول قال ابن مسلط=جربت قايد حزبهم حيل تجريب
اربع ليالي بالرخا مسرعه ....=وشلون لاجا الجد وقت التناشيب
ضعيف نفس وقلبه اذرق من البط=ولافيه ذره من شهامه ولاطيب
احمق خبيث اطباع وانسان منحط=مغرور متغطرس وكله عذاريب
اليا بغاله حاجةً جاك كالقط=ينط لامن شم له عظم بالسيب
ومسرع تشوفه قدم عينك يوطوط=من عقب ماهو غايبً عام يامثيب
والعلم واجد بس ماودي اظغط=وابديتها برموز لاهل المكاتيب
وحذراك تغلط توصف الغاط غطغط=هذي شمال وذي من الغرب يالذيب
واللي فى بطنه ريح لامن قرى الخط=يحسبني اغلط ثم تبدى المطاليب
لاشك ماعمم ترى البعض يغبط= قول وفعل مافيه شك ولاريب
بس القوافي جت كذا جت على الأط=حيث البعض بالقاف يحتاج تاديب
|
السلام عليكم ...
اخوي خالد الحمد
دائما ً اجي متأخر
لكن القداة ولا العمى
صحححححححححح كلك
وصح لسانك وجاد بيانك
كلام في الصميم من رجال
محنّك وممارس الحياة من
الوجه الثاني بالمفتاح السري
تحيتي وتقديري على تألقك
محمد بن عمار